హైదరాబాద్: తెలంగాణ రాష్ట్రంలో నైరుతి రుతుపవనాల (Monsoon) కారణంగా వర్షాలు కురుస్తున్నాయి. నైరుతి రుతుపవనాలు చురుగ్గా కదులుతున్న కారణంగా రాష్ట్రంలో ఐదు రోజుల పాటు మోస్తరు నుంచి భారీ వర్షాలు (Heavy Rains) కురిసే అవకాశం ఉందని హైదరాబాద్ వాతావరణ విభాగం వెల్లడించింది. దక్షిణ, పశ్చిమ తెలంగాణలో భారీ వర్షాలతో పాటు 40 కి.మీ. నుంచి 50 కి.మీ వేగంతో ఈదురుగాలులు వీచే అవకాశం ఉందని పేర్కొంది. శుక్రవారం ఉమ్మడి మహబూబ్‌నగర్, నిజామాబాద్, మెదక్, నల్గొండతో పాటు వికారాబాద్ జిల్లాల్లో భారీ వర్షాలు కురిసే వీలుందని తెలిపింది.
