సాధారణంగా సినిమా వాళ్లంటే.. వాళ్ల లగ్జరీ లైఫ్ గుర్తొస్తుంది. వాళ్ల నివాసాలు, ధరించే వస్త్రాలు, వాడే కార్లు, బైక్‌లు అందరని ఆకట్టుకుంటాయి. అలాంటి లైఫ్‌స్టైల్ కనీసం ఒక్కసారైనా బతకాలని అందరికీ ఉంటుంది. అయితే కొందరు మాత్రం ఎంత సక్సెస్ వచ్చిన చాలా సింపుల్‌గా ఉంటారు. అందులో డైరెక్టర్ సందీప్ రెడ్డి వంగా (Sandeep Reddy Vanga) ఒకరు. అర్జున్ రెడ్డి, యానిమల్ సినిమాలతో గ్రాండ్ సక్సెస్ అందులోకి దేశవ్యాప్తంగా గుర్తింపు సంపాదించారు సందీప్.
ప్రస్తుతం సందీప్ (Sandeep Reddy Vanga) రెబల్ స్టార్ ప్రభాస్ హీరోగా స్పిరిట్ అనే సినిమా చేస్తున్నారు. ఈ సినిమా స్క్రిప్ట్ వర్క్ ఇప్పటికే పూర్తయింది. త్వరలోనే ఈ సినిమా సెట్స్ మీదకు వెళ్లనుంది. తొలుత ఈ సినిమాలో దీపికా పదుకొనేను హీరోయిన్‌గా అనుకున్నారు. కానీ, కొన్ని కారణాల వల్ల ఆమె ఈ ప్రాజెక్టు నుంచి తప్పుకుంది. ఈ క్రమంలో యానిమల్ బ్యూటీ తృప్తి డిమ్రి ఈ సినిమాలో హీరోయిన్‌గా ఎంపిక చేశారని టాక్ వినిపిస్తుంది.
తాజాగా సందీప్ రెడ్డి కొత్త కారు కొన్నారు. అందరిలా కోట్లల్లో కాకుండా.. చాలా తక్కువ బడ్జెట్‌లో ఆయన మినీ కూపర్ కారుని కొనుగోలు చేశారు. ఈ కారు రిజిస్ట్రేషన్ పూర్తి కాగా.. గురువారం పూజ చేయించారు. ఇందుకు సంబంధించిన ఫొటోలు, వీడియోలు ఇప్పుడు వైరల్ అవుతున్నాయి. ఈ కారు ధర మార్కెట్‌లో రూ.60-70 లక్షలు ఉంటుందని అంచనా.
Leave a Reply