చెన్నై: తమిళ ఇండస్ట్రీలో కెరీర్ ప్రారంభించి తెలుగులో కూడా మంచి పాపులారిటీ సంపాదించుకున్న హీరో శ్రీరామ్ (Hero Sriram). అయితే శ్రీరామ్ తాజాగా చిక్కుల్లో పడ్డారు. డ్రగ్స్ కేసులో ఆయన్ను చెన్నై పోలీసులు అరెస్ట్ చేశారు. మాజీ ఎఐఎడిఎంకె కార్యనిర్వాహకుడు ప్రసాద్ నుండి డ్రగ్స్ కొన్నట్లు ఆరోపణలు రావడంతో శ్రీరామ్‌ను అదుపులోకి తీసుకున్నారు. రాజీవ్ గాంధీ ప్రభుత్వ ఆస్పత్రిలో ఆయనకు వైద్య పరీక్షలు నిర్వహించి.. రక్త నమూనాలు సేకరించారు.
చెన్నై నార్కోటిక్స్ ఇంటలిజెన్స్ పోలీసులు శ్రీరామ్‌ను (Hero Sriram) నుంగంబాక్కం స్టేషన్‌కు తరలించి రెండు గంటలుగా విచారిస్తున్నారు. ఇప్పటికే ఈ కేసులో ప్రసాద్ సహా మరో ఇద్దరిని పోలీసులు అరెస్ట్ చేశారు. వారిని విచారిస్తున్న సమయంలో వారు ఇచ్చిన సమాచారంతో శ్రీరామ్‌ను పోలీసులు అరెస్ట్ చేశారు. ప్రస్తుతం శ్రీరామ్ అరెస్ట్ తమిళ సినీ పరిశ్రమలో హాట్ టాపిక్‌గా మారింది.
Leave a Reply