ఓటిటిలో చిన్న సినిమాగా విడుదలై, తన సబ్జెక్టుతో పెను సంచలనం సృష్టించిన సినిమా ‘పొలిమేర’. ఆ తర్వాత వచ్చిన ‘పొలిమేర 2’ కూడా బాక్సాఫీస్ వద్ద భారీ విజయాన్ని అందుకుంది. ఇప్పుడు ఈ సిరీస్ను మరింత ప్రతిష్టాత్మకంగా ముందుకు తీసుకెళ్లేందుకు మేకర్స్ సిద్ధమయ్యారు. ‘పొలిమేర 3’ కి సంబంధించి ఒక ఎగ్జైటింగ్ అప్డేట్ ఇప్పుడు సోషల్ మీడియాలో వైరల్ అవుతోంది.
Also Read : Prabhas : షూటింగ్లో ప్రభాస్కు గాయం.. ‘ఫౌజీ’ సెట్స్లో ఏం జరిగింది?
తాజా సమాచారం ప్రకారం, ‘పొలిమేర 3’ చిత్ర షూటింగ్ ఈ ఏడాది మే నెలలో ప్రారంభం కానుంది. మొదటి రెండు భాగాలకు వచ్చిన స్పందన చూసి, ఈ మూడవ భాగాన్ని భారీ బడ్జెట్తో తెరకెక్కించేందుకు ప్లాన్ చేస్తున్నారు. అంతే కాదు ఈసారి కేవలం తెలుగుకే పరిమితం కాకుండా, సినిమాను అన్ని సౌత్ ఇండియన్ లాంగ్వేజెస్ (తమిళం, కన్నడ, మలయాళం) లో విడుదల చేయబోతున్నారు. అలాగే దీనికోసం సినిమాలో ఒక స్టార్ యాక్టర్ను కీలక పాత్రలో నటింపజేయాలని చిత్ర యూనిట్ భావిస్తోంది. త్వరలోనే దీనిపై అధికారిక ప్రకటన వచ్చే అవకాశం ఉందని తెలుస్తోంది.
చేతబడి, క్షుద్ర పూజలు, పల్లెటూరి నేపథ్యంలోని థ్రిల్లింగ్ ఎలిమెంట్స్ ఈ సినిమాలో ఉండబోతున్నాయి. సత్యం రాజేష్ ప్రధాన పాత్రలో కనిపించనున్న ఈ చిత్రానికి గత భాగాలను తెరకెక్కించిన అనిల్ విశ్వనాథ్ దర్శకత్వం వహించనున్నారు. ‘పొలిమేర 2’ ఎండింగ్లో వదిలిన సస్పెన్స్ కు ఈ మూడవ భాగంలో సమాధానాలు దొరుకుతాయని ఫ్యాన్స్ ఆశగా ఎదురుచూస్తున్నారు.
