హైదరాబాద్: బిజెపికి కొద్ది రోజుల క్రితం గోషామహల్ ఎమ్మెల్యే రాజా సింగ్ (Rajasingh) రాజీనామా చేసిన విషయం తెలిసిందే. శుక్రవారం ఆయన రాజీనామాను బిజెపి జాతీయాధ్యక్షుడు జెపి నడ్డా ఆమోదించారు. అయితే తాను ఏ పదవి, అధికారం కోసం రాజీనామా చేయలేదని రాజా సింగ్ తాజాగా వెల్లడించారు. హిందుత్వ భావజాలంతో దేశానికి, ప్రజలకు సేవ చేయాలనే ఉద్ధేశ్యంతో 11 సంవత్సరాల క్రితం బిజెపిలో చేరానని ఆయన అన్నారు. పార్టీ తనను నమ్మి మూడుసార్లు ఎమ్మెల్యే టికెట్ ఇచ్చిందని.. పార్టీ రాష్ట్ర, జాతీయ నాయకత్వానికి ఈ సందర్భంగా కృతజ్ఞతలు తెలిపారు.
తెలంగాణలో బిజెపి ప్రభుత్వం ఏర్పాటు కృషి చేస్తున్న లక్షలాది మంది కార్యకర్తల బాధను తాను అధిష్ఠానానికి తెలియజేయకపోవచ్చు అని ఆవేదన వ్యక్తం చేశారు. తాను ఏ పదవి, అధికారం, వ్యక్తిగత లాభం ఆశించి రాజీనామా చేయలదని స్పష్టం చేశారు. హిందుత్వం కోసమే పుట్టానని.. చివరి శ్వాస వరకూ దాని కోసమే పని చేస్తానని రాజా సింగ్ (Rajasingh) పేర్కొన్నారు.
Leave a Reply